МАСЛО ОД МАТОЧИНА

Медицинска и кулинарска билка со бело-жолти цветови која потекнува од Европскиот континент, но заради нејзините благотворни дејства се одгледува насекаде низ светот. Оваа ароматична билка со пријатен мирис на лимон содржи есенцијални масла кои изобилуваат со танини, флавоноиди, полифеноли, резин, фенолна киселина и други био компоненти кои овозможуваат антибактериски, антиоксидантни, антивирални, спазмолитички, седативни и релаксирачки дејства. Маслото од маточина често се нарекува и слатко масло има пријатен мирис на лимон и го смирува нервниот систем и помага за негово правилно функционирање, ја зголемува меморијата, го подигнува расположението и има антидепресивни својства, па затоа неговите лековити својства се познати уште од 15 век. Помага во зимскиот период на чести настинки, да останете здрави низ промената на годишните времиња и разните инфекции низ пократките и постудени денови.